+17 °С
Ясно
Сәләмәт булайыҡ
1 Ноября 2019, 10:00
Бер көндә 47 операция яһалды
Был юлы баш ҡала белгестәре дауахананың офтальмология бүлеге мөдире Амур Моталлапов һәм күҙ табибы Алһыу Ғайсина менән берлектә 47 кешенең күҙенә Швейцарияла етештерелгән «Катарекс» факоэмульсификатор аппаратында операция яһаны.
Радик Нәҙерғоловтың “Бәйләнештә”ге сәхифәһенән
Сибай үҙәк дауаханаһы Өфө табиптары менән хеҙмәттәшлекте дауам итә. Ошо көндәрҙә ҡалаға Өфө фәнни-тикшеренеү институтының күҙ ауырыуҙары буйынса микрохирургия бүлеге мөдире, табип-офтальмолог, медицина фәндәре кандидаты Раян Хисмәтуллин килде.
Был юлы баш ҡала белгестәре дауахананың офтальмология бүлеге мөдире Амур Моталлапов һәм күҙ табибы Алһыу Ғайсина менән берлектә 47 кешенең күҙенә Швейцарияла етештерелгән «Катарекс» факоэмульсификатор аппаратында операция яһаны.
Сибай үҙәк ҡала дауаханаһы баш табибы Радик Нәҙерғолов белдереүенсә, бөтә операциялар ҙа уңышлы үткән, өҙлөгөүселәр юҡ.
Офтальмология бүлегендә йыл әйләнәһенә сибайҙар ғына түгел, ә төбәктә йәшәгән халыҡ күҙенә, күҙҙәге ҡылауға, күреү һәләтенең насарайыуына зарланып мөрәжәғәт итә. Бүлектә сифатлы медицина ярҙамы күрһәтеү өсөн бар шарттар ҙа булдырылған.
