+17 °С
Болотло
Сәләмәт булайыҡ
7 Февраль 2020, 07:00
Кешеләрҙең сәләмәтлеген ҡайғыртып
“Сәләмәтлек” (“Здоровье”) шәхси клиникаһы Дүртөйлө ҡалаһында һәм районында киң билдәлелек алған. Хатта башҡа төбәктәрҙән дә нәҡ ошонда дауаланырға тип килеүселәр бар. Иғтибарлы, ихтирамлы мөнәсәбәт, белемле, тәжрибәле белгестәр, күрһәтелгән хеҙмәттәрҙең киң даирәһе йәлеп итә пациенттарҙы.
“Сәләмәтлек” (“Здоровье”) шәхси клиникаһы Дүртөйлө ҡалаһында һәм районында киң билдәлелек алған. Хатта башҡа төбәктәрҙән дә нәҡ ошонда дауаланырға тип килеүселәр бар. Иғтибарлы, ихтирамлы мөнәсәбәт, белемле, тәжрибәле белгестәр, күрһәтелгән хеҙмәттәрҙең киң даирәһе йәлеп итә пациенттарҙы.
Илеш районының Исәмәт ауылында тыуып үҫкән Регина Хәсәнова Өфөләге 1-се медицина училищеһында белем ала. Уҡыуын тамамлағас, Нефтекама ҡалаһының санитария-эпидемиология станцияһында эш башлай. Артабан ғаилә Дүртөйлө ҡалаһына күсенә, унда ла Регина Маҡсаф ҡыҙы медицина тармағында хеҙмәт юлын дауам итә.
Оҙаҡ йылдар эшләп, ҙур тәжрибә туплаған ханым халыҡтың сифатлы медицина хеҙмәттәренә ихтыяжы артҡандан-арта барыуын күрә. Ул оҙаҡ уйлана: эште ниҙән башларға, нисек ойошторорға, ниндәй йүнәлешкә иғтибар итергә? Ниһайәт, һигеҙ йыл элек тормошон ҡырҡа үҙгәрткән ҡарар ҡабул итә: һаулыҡ һаҡлау өлкәһендә үҙ эшен асырға була.
Бөгөн уның клиникаһы заманса медицина ҡорамалдары менән йыһазландырылған.
Ял көндәренән башҡа аҙнаның биш көнөндә иртәнге 8-ҙән 11-гә тиклем анализдар алына. Алдан яҙылыуҙың кәрәге юҡ, сират тораһы түгел.
Клиникала оҙаҡ йылдар һаулыҡ һаҡлау өлкәһендә эшләгән табиптар ҡабул итә. Теш табиптары Рәзинә Мифтахова, Наилә Гәрәева күптән халыҡ ихтирамын яулаған. Өфө дауаханаларынан төрлө тармаҡ белгестәре саҡырыла.
Процедура кабинетының шәфҡәт туташы Рида Шәрипова тураһында пациенттар еңел ҡуллы, үҙ эшенә бик яуаплы ҡараған оҫта тигән фекерҙә.
Клиника етәксеһе, Башҡортостандың атҡаҙанған һаулыҡ һаҡлау хеҙмәткәре Регина Хәсәнова һәйбәт коллектив туплаған, дауахананың эшмәкәрлеген яҡшы көйләгән. Хеҙмәткәрҙәр ҙә етәксенән уңған: Регина Маҡсаф ҡыҙы һәр кем менән уртаҡ тел таба белә, уның сабырлығы, зыялылығы, ихтирамлы мөнәсәбәте коллективта эшлекле һәм тыныс мөхит булдырыуҙы тәьмин итә.
Регина ханымдың ғаилә усағы ла яҡты, йылы. Нефтекама ҡалаһында тыуып үҫкән Фәнис Биктимер улы менән Денислам исемле ул үҫтергәндәр. Ғаилә башлығы оҙаҡ йылдар инженер булған, әле хаҡлы ялда. Улдары ла, атаһы юлынан китеп, техник һөнәр һайлаған. Өфө нефть техник университетының иҡтисад һәм тау-нефть факультеттарын тамамлап, вахта ысулы менән Иркутск ҡалаһында эшләп йөрөй. Ҡатыны Рәмилә Рим ҡыҙы менән икәүләп Самира һәм Сафина исемле ҡыҙҙар үҫтерәләр.
Дүртөйлө районы.
