+29 °С
Облачно
Сәләмәт булайыҡ
20 Февраля 2020, 10:30
"Балаңдың ауырыуын күреү ауыр"
Әлбиттә, атай-әсәй булараҡ, беҙгә еңел түгел.
Индира менән Рөстәм Нәбиевтарҙың кескәй ҡыҙҙары Әминәнең ҡаты ауырып, дауаханаға эләгеүе хаҡында яҙғайныҡ инде. Ҡыҙ пневмониянан яфалана. Әлбиттә, баланың ауырыуы һәр атай-әсәй өсөн ҙур хәсрәт. Үҙенең борсолоуы хаҡында атай кеше "Инстаграмда": "Һиңә ни бары 26 көн, ә елкәңә шундай ауыр һынау төштө, – тип яҙа. – Был ваҡытлыса ауырлыҡ. Уны үткәрә, түҙә белергә кәрәк. Ҡыҙым, бөтәһе лә яҡшы булыр. Әлбиттә, атай-әсәй булараҡ, беҙгә еңел түгел. Сабыйҙар ауырыуын күреү еңел түгел, ә үҙеңдең балаларың ауырыһа, тағы ла ҡыйын. Шулай ҙа иң мөһиме – хис-тойғоларға, паникаға бирелмәү. Тормош яҡшы уҡытыусы һәм ул беҙҙе күп нәмәгә өйрәтте. Шуға ла ниндәйҙер иммунитет барлыҡҡа килде һәм бындай һынауҙарҙы беҙҙең ғаилә сәтләүек ярғандай үткәрә".
Беҙ ҙә кескәй Әминәнең тиҙерәк һауығыуын теләйбеҙ.
Фото: "Инстаграм"