+14 °С
Облачно
Сәләмәт булайыҡ
22 Апреля 2020, 14:50
Күрһәтмәне үтәү ваҡыты – 28 апрель
Рәсәй Хөкүмәте Премьер-министры төбәктәрҙең коронавирусҡа ҡаршы көрәшкә әҙерлеген баһаланы.
Бөгөн Башҡортостан Башлығы Радий Хәбиров Рәсәй Президенты ҡарамағындағы Яңы коронавирус сиренең таралыуына ҡаршы көрәш буйынса координация советы президиумы ултырышында ҡатнашты. Уны видеоконференция тәртибендә ил Хөкүмәте Рәйесе Михаил Мишустин үткәрҙе.
Рәсәй Хөкүмәте Премьер-министры төбәктәрҙең коронавирусҡа ҡаршы көрәшкә әҙерлеген баһаланы.
– Президент тейешле күрһәтмә бирҙе, Хөкүмәт уны үтәү срогын билдәләне – 28 апрель. Күрһәтмәне үтәүгә бер аҙнанан кәмерәк ваҡыт ҡалды. Бөгөнгө һөҙөмтәләрҙе ҡәнәғәтләнерлек тип әйтеп булмайҙыр, – тине ул.
Михаил Мишустин әйтеүенсә, күрһәтмәгә ярашлы, һәр төбәктә коронавирустан яфаланған пациенттар менән эшләрлек табиптар бригадалары төҙөлөргә тейеш. Ул шулай уҡ төбәк башлыҡтарына табиптарҙың һәм урта медицина персоналының етеү-етмәүен шәхсән тикшерергә ҡушты.
Фото: glavarb.ru