Камиллашабыҙ

Тикшереү һөҙөмтәһен ике сә­ғәттән һуң белергә мөмкин – был хаҡта “ТестГен” компа­ния­һы ингән “Роснано” төркө­мөнөң Инфраструктура һәм белем би­реү программалары фонды белдерә.

“Компанияның етештереү ҡеүәте һәм ГОСТ ISO 13485 сертификаты әлеге башланғыс осор­ҙа тәүлегенә 50 мең самаһы тест етештереү мөмкинлеген бирә, киләсәктә иһә был һанды айына ике миллионға еткерергә план­лаш­тырабыҙ. “ТестГен” компа­нияһы тест-системаларҙы Рәсәй төбәктәренә еткереү өсөн теләһә ниндәй теләктәшлек күр­һә­тергә әҙер. Ә сит ил баҙарына сығыу өсөн әлегә беҙ Европалағы СE-сертификатын көтәбеҙ”, – тип белдергән “ТестГен” компания­һының генераль директоры, медицина фәндәре кандидаты Андрей Тороповский.

“ТестГен” компанияһы бел­гес­тәре “CoV-2-Тест” тест-систе­маһын “Джинэкст” яуап­лы­лы­ғы сикләнгән йәмғиәте заказы буйынса бер ай эсендә эшләгән. Ул организмда РНК SARS-CoV-2 барлығын бик иртә стадияла һәм юғары аныҡлыҡ менән күрһәтә (96 проценттан ашыу).

Тест нигеҙендә – реаль ваҡыт режимындағы кире транскрипциялы (ОТ-ПЦР) полимераз сылбыр реакцияһы ысулы. Ул Бөтә донъя һаулыҡ һаҡлау ойошмаһы тарафынан вируслы инфекцияны асыҡлауҙың иң аныҡ һәм теүәл ысулы булараҡ хупланған.

Тест-системаны эшләгән саҡ­та АҠШ-тың Аҙыҡ-түлек продукттары һәм меди­камент­тарҙың сифатын санитар күҙәтеү буйынса идаралығы (FDA) кәңәштәре лә иҫәпкә алынған. Тест сирҙе бик иртә стадияла, инкубация осоронда асыҡларға мөмкинлек бирә.

Яңы система Рәсәйҙең Федераль медик-биология агент­лығы­ның Гигиена һәм эпидемиология буйынса баш үҙәгенең клиник һынауҙарын уңышлы үткән һәм төрлө этаптарҙа анализ үткәргәндә 96-100% теүәл­лек күрһәткән. Һиҙгерлек ки­мәле – бер миллилитр биоматериалда вирустың 500-ҙән ашыу күсермәһе.