Радий Хәбиров ниңә битлек кеймәй?

Башҡортостан Башлығы Радий Хәбиров Ауырғазы районы ветерандары менән осрашҡанда үҙенең ни өсөн республика буйлап эш сәфәрҙәрендә йөрөгәндә медицина битлеге кеймәүен аңлатты.

“Минең организмда антиесемдәр кимәле юғары һәм коронавирус инфекцияһына иммунитет ныҡ. Шуға күрә битлек кеймәйем, әммә һеҙҙән уны кейеүҙе үтенәм һәм үҙегеҙҙе, сәләмәтлегегеҙҙе һаҡлауығыҙҙы һорайым”, - тине Радий Хәбиров, республика ветерандарына һәм өлкән кешеләргә мөрәжәғәт итеп.

Башҡортостан Башлығының матбуғат хеҙмәтендә “Башинформ” агентлығына республика етәксеһенең коронавирус инфекцияһы менән ауырымағанын белдергәндәр.

Олег Яровиков фотоһы.