+21 °С
Болотло
Сәләмәт булайыҡ
9 Октябрь 2020, 18:34
Иммунитетты нисек нығытырға?
Әле көндәр бер аҙ йылы торһа ла, тиҙҙән һауа торошо кинәт үҙгәрәсәк. Ә быға әҙербеҙме?
Әле көндәр бер аҙ йылы торһа ла, тиҙҙән һауа торошо кинәт үҙгәрәсәк. Ә быға әҙербеҙме?
Шулай итеп, көндәр һыуытып, ямғырҙар башланһа, имбир, һарымһаҡ һәм лимон ғына иммунитетты нығытмаясаҡ. Был хаҡта табибә-иммунолог Марина Аплетаева хәбәр итә. Үҙ сиратында ул төрлө сирҙәрҙе иҫкәртеүҙә башҡа һөҙөмтәле сараларҙы ла атай.
Иммунологтың фекеренсә, иммунитет – ул “күп компонентлы программа”. Ә уның булыуы өсөн сәләмәт тормош алып барырға һәм сирҙәрҙе иҫкәртеү кәңәштәренә ҡолаҡ һалырға кәрәк.
Иммун системаһын нығытыу өсөн дарыуҙы йәки “иммунитетты нығытҡан” аҙыҡ-түлекте күпләп ашарға кәрәкмәй. Марина Аплетаева белдереүенсә, улар ҙур ролде уйнамай, дөйөм алғанда, сәләмәт туҡланыу һәм спорт менән даими шөғөлләнеү зарур. Уның фекеренсә, саф һауала йәйәү йөрөү, спорт менән шөғөлләнеү, фастфуд ашамау, сирлеләр менән аралашыуҙан тыйылыу, гриптан вакцина эшләтеү иммунитет өсөн файҙалы.
