+20 °С
Болотло
Сәләмәт булайыҡ
16 Октябрь 2020, 08:24
Аяҙ көндә йәшен һуҡҡандай булды...
Быйылғы февраль айы Саҡмағош районында һәүетемсә генә йәшәп ятҡан ғаилә тормошон аҫтын-өҫкә килтерҙе. Туғыҙ йәшлек Ильяна Йосоповаға табиптар ҡурҡыныс диагноз ҡуйҙы. Әлеге көндә ата-әсә ҡыҙҙарының ғүмере өсөн көрәшә.
Быйылғы февраль айы Саҡмағош районында һәүетемсә генә йәшәп ятҡан ғаилә тормошон аҫтын-өҫкә килтерҙе. Туғыҙ йәшлек Ильяна Йосоповаға табиптар ҡурҡыныс диагноз ҡуйҙы. Әлеге көндә ата-әсә ҡыҙҙарының ғүмере өсөн көрәшә.
“КП-Уфа” баҫмаһы хәбәр итеүенсә, йыл башында ҡыҙ ауыҙында ауыртыу барлыҡҡа килеүенә зарлана. Табиптар баланы стоматиттан дауалай. Тик хәл яҡшырмағас, Ильянаны ентекләп тикшермәксе булалар. Бик күп анализдар бирелә. Ҡыҙҙы ашығыс рәүештә республика балалар дауаханаһына килтерәләр. Диагноз бөтәһен дә аяҡтан йыға яҙа: киҫкен миелоидлы лейкоз. Дүрт ай буйы химия терапияһы үткәс, сабыйҙы тотош ғаиләһе менән Санкт-Петербург ҡалаһына кимек матдәһен күсереп ултыртыу өсөн операцияға саҡыралар. Ҡыҙҙың атаһы донорлыҡ бурысын үҙ өҫтөнә ала. Ҡыҙғанысҡа ҡаршы, организм сит матдәне ҡабул итмәй.
Ильянаны тағы һынауҙар көтә. Әлегә ғаилә тыуған яҡтан ситтә йәшәргә мәжбүр, дауалау хеҙмәттәрен Мотлаҡ медицина страховкаһы ғына ябып бөтмәй, Йосоповтар матди ярҙамға мохтаж. Ауыр хәлгә юлыҡҡан ғаиләгә ярҙам итергә теләгәндәр өсөн ҡыҙҙың әсәһе Илүсәнең карта реквизиттарын бирәбеҙ:
63 900 206 906 741 61 88
Сбербанк 8-896-080-09.
