Һигеҙ ҡыҙы ла рәхмәт әйтә

Уның ҡыҙы Илмира әйтеүенсә, әсәне тәүҙә юғары тән темпе­ратураһы менән 5-се дауаханаға түләүле компьютер томогра­фия­һына килтерәләр, тик бында ауырыуҙы ҡабул итмәйҙәр. Аҙаҡ “Ашығыс ярҙам” уның яңғыҙын ғына Дим дауаханаһына алып китә.

“Беҙ – һигеҙ ҡыҙ, бик берҙәмбеҙ, дуҫбыҙ. Әсәйебеҙҙе һаҡларға тырыштыҡ, тик яҙмышты кирегә борған ваҡиға арҡаһында, бер ауырыу кешенең сирен йәшереүе һөҙөмтәһендә мәкерле сир уға йоҡто”, – тип үкенес белдерә ҡыҙы.

Госпиталгә яҡындарын индер­мәйҙәр, әлбиттә. Палаталағы күр­шеләш ҡатын-ҡыҙҙар Зәкиә Сәғи­товаға ярҙам итә. “Ул гел генә палатаһындағы ҡатындарҙы маҡтап шылтыратып торҙо, хәле лә яҡшырған кеүек ине, ике тапҡыр үткәрелгән тест сирҙе раҫламаны. Беҙ уны реанимацияға күсереү­ҙәрен белмәй ҙә ҡалдыҡ, хәбәр итмәнеләр. Осраҡлы рәүештә генә асыҡланды. Етенсе көндә әсәйебеҙ донъя менән хушлашҡан...” – ти ҡыҙы. Һаулыҡ һаҡлау министр­лығына ҡыҙҙарҙың һорауы күп булһа ла, улар ведомствоға мөрә­жәғәт итергә йыйынмай, сөнки бынан бер файҙа ла юҡлығын аңлай. Хәҙер иң мөһиме – әсәләренә һуңғы көндәрендә ысын күңелдән ярҙам ҡулы һуҙған мәрхәмәтле ҡатындарҙы табып рәхмәт әйтеү.

14–23 августа Зәкиә Нурғәле ҡыҙы Сәғитова менән бер палатала ятҡан ҡатындарҙың Илми­раға шылтыратыуын үтенәбеҙ: 8-927-34-66-217.