+21 °С
Болотло
Сәләмәт булайыҡ
16 Октябрь 2020, 19:15
Ял көндәрендә йәрминкәләр булмай
"Халыҡтың бындай сикләүҙәрҙе аңлап ҡабул итеренә ышанабыҙ".
Өфөлә 17-18 октябргә планлаштырылған көҙгө ауыл хужалығы йәрминкәләре үткәрелмәйәсәк. Ҡала хакимиәте бындай сикләүҙәрҙе халыҡтың аңлап ҡабул итеренә ышана.
Ҡарар "Роспотребнадзор"ҙың тәҡдимдәренә ярашлы, коронавирус инфекцияһы таралыуына юл ҡуймау маҡсатында ҡабул ителгән. “Республикала эпидемиологик хәл көсөргәнешле. Сирҙәрҙең үҫеше сентябрь урталарынан башланды, әле тәүлек һайын арта. Ауырыуҙы эш урынында, транспортта, халыҡ күп йыйылған ерҙә йоҡторалар, коллективтарҙа инфекция усаҡтары барлыҡҡа килә. Ошо хәл сәбәпле, Өфөләге планлаштырылған көҙгө ауыл хужалығы йәрминкәләрен үткәрмәҫкә йәки күсерергә тәҡдим итәбеҙ” тиелә ҡарарҙа.
Һуңғы тәүлектә генә коронавирус инфекцияһын - 73, ә пневмонияны 208 кеше йоҡторғаны асыҡланды.
Фото: Ufa1.ru
