+21 °С
Болотло
Сәләмәт булайыҡ
29 Октябрь 2020, 10:00
Төрлөһө-төрлө яҡҡа һибелгән...
Баш ҡалалағы төҙөлөштәрҙең береһендә Хөкүмәттән рәсми ҡунаҡтар булып, битлек режимын тикшергән. Мәгәр, уларҙы бер кем дә көтмәгән...
Башҡортостанда коронавирус инфекцияһы таралыуҙы иҫкәртеү йәһәтенән битлек режимы үтәлеүҙе тикшереү рейдтары көсәйтелгән форматта дауам итә.
Мәҫәлән, баш ҡала төҙөлөштәренең береһендә республика Хөкүмәте вице-премьеры Ирек Сәғитов менән Торлаҡ һәм төҙөлөшкә күҙәтеү буйынса дәүләт комитеты рәйесе урынбаҫары Булат Исмәғилев булды. Был хаҡта “Башинформ” агентлығы хәбәр итә.
Рәсми ҡунаҡтарҙы, әлбиттә, “Менделеев” торлаҡ комплексында бер кем дә көтмәгән. Шуға эшселәр уларҙы күреү менән төрлөһө-төрлө яҡҡа һибелгән. Әлбиттә, юҡҡа түгел, сөнки бында санитар ҡағиҙәләрҙе боҙоуҙар шунда уҡ күҙгә ташлана.
Беренсенән, төҙөүселәр, монолитсылар, экскаваторсылар һәм башҡа төҙөлөш эшсәндәре эш урынына төрлө урындан инә. Ғәмәлдә, унда контроль-үткәреү пункты булырға, температура үлсәнергә, мәғлүмәт махсус журналда теркәлергә, ҡулдар зарарһыҙландырылырға тейеш.
Республика Хөкүмәте вице-премьеры Ирек Сәғитов:
– Журналдар дөрөҫ тултырылмай, эшселәрҙә битлек кенә түгел, каскалар ҙа юҡ. Контактһыҙ термометрҙарҙы тикшереп ҡараныҡ – барыһы ла эшләмәй тиерлек. Бындай рейдтар үткәреләсәк һәм үткәреләсәк әле, – тип белдерҙе.
Асыҡланған етешһеҙлектәр буйынса протоколдар төҙөләсәк, штрафтар иһә 200 мең һумға етеүе ихтимал.
Фото: Олег Яровиков.
