Тағы бер ҡатын вафат

Башҡортостанда аҙаҡҡы тәүлектә тағы ла 110 кешелә COVID-19 вирусы асыҡланған, шуның менән сирлеләрҙең дөйөм һаны 11981-гә етте.

Һауыҡҡандар – 11 011 (һуңғы тәүлектә 27 кеше өҫтәлгән). Вафат булғандарҙың дөйөм иҫәбе – 64, һуңғы тәүлектә тағы бер кеше вафат. Уның хаҡында 1957 йылғы ҡатын-ҡыҙ булыуы, Өфөлә йәшәгәне мәғлүм. Икенсе типтағы шәкәр диабетынан, церебраль-васкуляр сирҙән, баш мейеһенең хроник ишемияһынан яфаланған.

Башҡортостан стационарҙарында – 285 (шул иҫәптән 27 кеше ауыр хәлдә, алтауһы үпкәне яһалма елләтеү аппаратына тоташтырылған), амбулатор шарттарҙа 621 ауырыу дауалана.

Коронавирус инфекцияһы тарала башлағандан алып республика лабораторияларында 1 494 779 тикшереү үткәрелгән, 1 445 364 кеше ҡаралған. Һуңғы тәүлектә 12 724 тикшереү уҙғарылған.

Пневмонияға килгәндә, аҙаҡҡы тәүлектә 315 кешегә ошо диагноз ҡуйылған, был ауырыуҙан һауыҡҡан 321 кеше дауахананан сығарылған.

Фото: ria.ru