+30 °С
Болотло
Сәләмәт булайыҡ
15 Ноябрь 2020, 18:00
Коронавирус һөжүмен дауам итә
Һуңғы тәүлектә Әлшәй районынан тағы бер пациент вафат. Пневмонияға килгәндә...
Республиканың Һаулыҡ һаҡлау министрлығы коронавирусҡа бәйле һуңғы мәғлүмәттәрҙе еткерҙе.
Башҡортостанда аҙаҡҡы тәүлектә тағы ла 118 кешелә COVID-19 вирусы асыҡланған, шуның менән сирлеләрҙең дөйөм һаны 12 328-гә етте. Һауыҡҡандар – 11 101 (һуңғы тәүлектә 8 кеше өҫтәлгән). Вафат булғандарҙың дөйөм иҫәбе – 67, һуңғы тәүлектә тағы бер кеше вафат. Уның хаҡында 1926 йылғы ир булыуы мәғлүм, Әлшәй районынан. Йөрәк-ҡан тамырҙары, гипертония, һимереү сирҙәренән яфаланған.
Башҡортостан стационарҙарында – 319 (шул иҫәптән 31 кеше ауыр хәлдә, алтауһы үпкәне яһалма елләтеү аппаратына тоташтырылған), амбулатор шарттарҙа 841 ауырыу дауалана.
Коронавирус инфекцияһы тарала башлағандан алып республика лабораторияларында 1 531 871 тикшереү үткәрелгән, 1 481 447 кеше ҡаралған. Һуңғы тәүлектә 11619 тикшереү уҙғарылған.
Пневмонияға килгәндә, һуңғы тәүлектә 355 кешегә ошо диагноз ҡуйылған, был ауырыуҙан һауыҡҡан 343 пациент дауахананан сығарылған.
Фото: ria.ru
