+21 °С
Облачно
Сәләмәт булайыҡ
25 Ноября 2020, 16:30
Тағы ла кире рекорд...
Республиканың Һаулыҡ һаҡлау министрлығы коронавирусҡа бәйле һуңғы мәғлүмәттәрҙе еткерҙе.
Башҡортостанда аҙаҡҡы тәүлектә тағы ла 135 кешелә COVID-19 вирусы асыҡланған, шуның менән сирлеләрҙең дөйөм һаны 13 581-гә етте.
Һауыҡҡандар – 11 616 (һуңғы тәүлектә 98 кеше өҫтәлгән). Вафат булғандарҙың дөйөм иҫәбе – 76. Башҡортостан стационарҙарында – 393, амбулатор шарттарҙа 1496 ауырыу дауалана.
Пневмонияға килгәндә, һуңғы тәүлектә 417 кешегә ошо диагноз ҡуйылған, шул сирҙән шәбәйгән 423 пациент дауахананан сығарылған.
Коронавирус инфекцияһы тарала башлағандан алып республика лабораторияларында 1 643 367 тикшереү үткәрелгән, 1 590 276 кеше ҡаралған. Һуңғы тәүлектә 11 196 тикшереү уҙғарылған.
Сирлеләр һаны буйынса беренсе урында – Өфө ҡалаһы (5105 кеше). Туймазы районы икенсе урында (835), Бәләбәй районы – өсөнсөлә (701).
Фото: kudago.com
