+21 °С
Болотло
Сәләмәт булайыҡ
11 Декабрь 2020, 18:00
Пневмония күрһәткесе лә һаман юғары...
Һуңғы тәүлектә Ғафури районынан һәм Октябрьский ҡалаһынан ике кеше коронавирустан вафат. Асыҡланыуынса...
Республиканың Һаулыҡ һаҡлау министрлығы коронавирусҡа бәйле һуңғы мәғлүмәттәрҙе еткерҙе.
Башҡортостанда аҙаҡҡы тәүлектә тағы ла 149 кешелә COVID-19 вирусы асыҡланған, шуның менән сирлеләрҙең дөйөм һаны 15 859-ға етте. Һауыҡҡандар – 12 911 (һуңғы тәүлектә 104 кеше өҫтәлгән). Вафат булғандарҙың дөйөм иҫәбе – 97.
Һуңғы тәүлектә тағы ике кеше вафат. Береһе – Октябрьский ҡалаһынан, 1951 йылғы, гипертониянан, хроник бронхиттан яфаланған. Икенсеһе – Ғафури районынан 1965 йылғы ир, уның тураһында башҡа мәғлүмәт юҡ.
Республика стационарҙарында – 681 (шул иҫәптән 46 кеше ауыр хәлдә, 13-ө үпкәне яһалма елләтеү аппаратына тоташтырылған), амбулатор шарттарҙа 2170 ауырыу дауалана.
Коронавирус инфекцияһы тарала башлағандан алып республика лабораторияларында 1 820 511 тикшереү үткәрелгән, һуңғы тәүлектә – 11 325.
Пневмонияға килгәндә, һуңғы тәүлектә 408 кешегә ошо диагноз ҡуйылған, был ауырыуҙан һауыҡҡан 402 пациент дауахананан сығарылған.
Фото: rbk.ru
