+21 °С
Болотло
Сәләмәт булайыҡ
13 Декабрь 2020, 15:30
Сир бер кемде лә аямай
Ҡыҙғанысҡа ҡаршы, был тәүлектә лә вирус ҡорбандары артты...
Һуңғы тәүлектә Рәсәйҙең 85 төбәгендә яңы коронавирус инфекцияһының 20 080 осрағы теркәлгән. Шул уҡ ваҡытта 20 277 ауырыуҙың сирҙе еңеүе асыҡланған. Үлем осраҡтары – 488. Был хаҡта оператив штаб хәбәр итә. Шуның менән бергә илдә өс көн рәттән коронавирус инфекцияһының уртаса таралыу коэффициенты 1-ҙән түбән тәшкил итә. Мәскәүҙә был күрһәткес юғары – 4.
Башҡортостанда тәүлек эсендә сирҙе йоҡторғандар һаны 151-гә артып, бөтәһе 16 163 кешегә етте. 24 ауырыу һауыҡҡан. Сирҙе еңгән пациенттар һаны 13 042 тәшкил итә. Ҡыҙғанысҡа ҡаршы, был тәүлектә лә вирус ҡорбандары өсәүгә артҡан. Һәләк булғандар һаны 103-кә етте. Уларҙың туғандарына, яҡындарына сабырлыҡ теләйбеҙ.
Республиканың оператив штаб мәғлүмәттәренә ҡарағанда, әле 750 ауырыу стационарҙарҙа, 2268 кеше өйҙәрендә дауалана. Үҙегеҙҙе лә, яҡындарығыҙҙы ла һаҡлағыҙ, мөмкин булған гигиена сараларын теүәл үтәргә тырышығыҙ.
Фото:Башинформ.
