“Коронавирустан вакцина мотлаҡ яһатам”

Тәүге сиратта ул коронавирус инфекцияһынан мотлаҡ вакцина яһатам һәм был - ҡурҡыныс сирҙән һаҡланыуҙың ышаныслы юлы, тип белдерҙе.

Мәғлүм булыуынса, декабрҙә республикала вакцинация башланды, әлеге ваҡытта төбәккә 4,5 меңдән ашыу доза коронавирусҡа ҡаршы вакцина килтерелгән. Яңы йылдан һуң иһә был ҡеүәтте миллиондан ашыуға еткерергә ниәтләйҙәр. Министр әйтеүенсә, прививканан баш тартҡандар ҙа бар, шул иҫәптән медицина хеҙмәткәрҙәре араһында ла.

“Әммә улар бармаҡ менән генә һанарлыҡ. Вакцинациялау кешенең үҙ ирке менән, сәләмәтлеге тикшерелгәндән һуң ғына яһала. Әйткәндәй, тиҙҙән прививканы 60 йәштән өлкәндәргә лә яһарға яраясаҡ, сөнки был йәһәттән клиник тикшеренеүҙәр тамам. Тимәк, өлкән йәштәгеләр ҙә коронавирустан прививка ярҙамында һаҡлана аласаҡ. Балалар мәсьәләһенә килгәндә, әлегә вакцина 18 йәштән өлкәнерәктәргә генә яһала тигән сикләү ғәмәлдә ҡала, сөнки тикшеренеүҙәр дауам итә”, – тине министр.

Фото: ria.ru

ДУҪТАР! Һеҙҙең был яңылыҡҡа бәйле фекерегеҙҙе беҙҙең социаль селтәрҙәрҙәге төркөмдәребеҙҙә белдерергә саҡырабыҙ:
https://vk.com/gazetabashkortostan
https://facebook.com/gazeta.bashkortostan