+20 °С
Болотло
Сәләмәт булайыҡ
31 Декабрь 2020, 08:45
Яңы ҡулайлама эште еңеләйтә
Ике ай эсендә компьютер томографында 1720 тикшереү уҙғарылған.
Быйыл Рәсәй Президенты Владимир Путиндың май указы менән раҫланған “Һаулыҡ һаҡлау” милли проектын тормошҡа ашырыу маҡсатында Сибай ҡалаһы дауаханаһы өр-яңы Philips Ingenuity CT рентген компьютер томографы менән йыһазландырылғайны.
Яңы аппарат, иҫкеһен һүтеп алғас, быйыл 22 октябрҙә тулы көсөнә эшләй башланы. Ике ай эсендә компьютер томографында 1720 тикшереү уҙғарылған.
– Яңы аппарат эшебеҙҙе байтаҡҡа еңеләйтә, эске ағзалар күсермәһенең сифаты яҡшыра, компьютер төрткөһөнә бер ҡағылыу менән сканер эшләй башлай, шунда уҡ ағзаларҙың күсермәһе анализлау өсөн эш компьютерында күренә, – ти табип-рентгенолог Раил Бикмәтов.
Фото: health.bashkortostan.ru
