Ҡырмыҫҡалы дауаханаһы ҡорамалдарға байыны

Рәсәй Президенты Владимир Путиндың май указы менән раҫланған “Һаулыҡ һаҡлау” милли проектына, “Һаулыҡ һаҡлауҙың берҙәм дәүләт мәғлүмәт системаһы нигеҙендә берҙәм һанлы контур булдырыу” төбәк программаһына ярашлы, Ҡырмыҫҡалы үҙәк район дауаханаһына электрон сират системаһы өсөн ҡорамал тапшырылды. Ул белгестәргә сиратҡа идара итеүҙе ҡулайлаштыра, хеҙмәтләндереүҙе көтөү ваҡытын ҡыҫҡарта.

Медицина ойошмаһы йәнә механик инсуффлятор-аспираторға ла эйә булды. Был аппарат хирургия бүлегендә медицина ярҙамы күрһәткәндә ҙур әһәмиәткә эйә. Дауахана поликлиникаһындағы стоматология кабинетына иһә өр-яңы заманса өс ҡорамал ҡуйылды. Улар төрлө стоматология ғәмәлдәрен башҡарыу мөмкинлеген бирә.

#национальныепроекты#нацпроекты
#региональныепроекты#регпроекты#нацпроектыБашкортостан

Фото: srk.nationalpriority.ru