Аяҡтарың тирләһә...

Ҡышҡы проблемаларҙың береһе – аяҡтарҙың артыҡ тирләүе. Халыҡ рецептары бынан ҡотолорға ярҙам итә.

Ҡайын бөрөһө

Биш аш ҡалағы ҡоро ҡайын бөрөһөн 0,5 литр араҡыға һалығыҙ. Банканы ҡапҡас менән ябығыҙ һәм ун көнгә һыуытҡысҡа алып ҡуйығыҙ. Ике көнгә бер тапҡыр болғатып алырға онотмағыҙ. Әҙер булғас, уны мамыҡ дискы менән сылатығыҙ һәм көн һайын табан менән бармаҡ араһына һөртөгөҙ. Курсты кәмендә ике аҙна дауам итергә кәрәк.

Сода

Бер аш ҡалағы соданы 250 мл һыуҙа иретегеҙ. Был иретмә менән марля салфеткаларын сылатығыҙ һәм 40-50 минутҡа табанға һалығыҙ. Аҙаҡ аяҡты һалҡын һыу менән сайҡағыҙ. Процедураны кис һайын ике аҙна дауамында ҡабатлағыҙ.

Бор кислотаһы

Тасҡа бор кислотаһы порошогын һалығыҙ (дарыуханала ҡиммәт тормай). Ялан аяҡ уны ныҡ ҡына итеп тапағыҙ, кислота бармаҡтар араһына ла инерлек булһын. Аҙаҡ, порошокты йыумай ғына таҙа носки кейегеҙ һәм йоҡларға ятығыҙ. Был процедураны 10-15 тапҡыр, аҙнаһына ике-өс тапҡыр ҡабатларға кәрәк.

Шалфей

Бер аш ҡалағы ҡоро шалфей үләнен 400-500 мл ҡайнар һыуға һалабыҙ. 40 минуттан һөҙөп алабыҙ. Көнөнә бер тапҡыр ике аш ҡалағы эсегеҙ. Курсты өс аҙна дауам итегеҙ.

Һыра

Ике литр эҫе һыуға (50-60 градус) 0,5 литр һыра ҡойоғоҙ. 10-15 минут аяғығыҙҙы тығып ултырығыҙ. Бер ай дауамында аҙнаһына ике тапҡыр ошолай эшләгеҙ.

Имән ҡабығы

Порошок хәленә тиклем иҙелгән ҡабыҡты носки эсенә ҡойоғоҙ һәм кейеп йоҡларға ятығыҙ. Иртән аяҡтарығыҙҙы һалҡын һыу менән сайҡатығыҙ. Процедураны 2-4 аҙна дауам итегеҙ.

Фото: sdelai-lestnicu.ru

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43