+20 °С
Болотло
Сәләмәт булайыҡ
26 Март 2021, 09:39
COVID-19 менән сирләгәндәр өсөн киҙеү хәүефле
Кеше коронавирус менән ҡаты сирләгәндән һуң киҙеү йоҡторһа, уның организмға йоғонтоһон берәү ҙә алдан күҙаллай алмай. Был турала вирусолог, Рәсәй Фәндәр академияһы академигы, И.И. Мечников исемендәге Вакциналар һәм сывороткалар ғилми-тикшеренеү институтының ғилми етәксеһе Виталий Зверев һөйләне.
Кеше коронавирус менән ҡаты сирләгәндән һуң киҙеү йоҡторһа, уның организмға йоғонтоһон берәү ҙә алдан күҙаллай алмай. Был турала вирусолог, Рәсәй Фәндәр академияһы академигы, И.И. Мечников исемендәге Вакциналар һәм сывороткалар ғилми-тикшеренеү институтының ғилми етәксеһе Виталий Зверев һөйләне.
“Киҙеү менән сирләгәндән һуң кеше бүтән төрлө ауырыуҙы ауырыраҡ үткәрә, сөнки иммун системаһына, ғөмүмән, бөтә организмға ҙур көсөргәнеш килә”, – тине ул.
Виталий Зверев әйтеүенсә, киҙеүҙән прививка яһатҡандар еңелерәк сирләй. Шул уҡ ваҡытта, вакцина ауырыуҙан 100 процентҡа һаҡлай, тип әйтеп булмай. Уның ҡарауы, коронавирус пандемияһына тиклем киҙеүҙән прививка яһатҡан бер генә кеше лә гриптан үлмәгән.
Күптән түгел вирусолог Анатолий Альтштейн, граждандар вакцина һалдырмаһа, яҙ Рәсәйҙә коронавирус менән ауырығандар һанының кинәт артып китеүе ихтимал, тип белдергәйне. Уның әйтеүенсә, әле илдә сир әкренләп артҡа сигенә.
Фото: pixabay.com
