+21 °С
Болотло
Сәләмәт булайыҡ
8 Апрель 2021, 13:30
Прививка пункттарынан кеше өҙөлмәй
Пациенттар хеҙмәтләндереү сараһынан ҡәнәғәт: пункттарҙа сиратһыҙ, тиҙ һәм хәүефһеҙ вакцина яһатырға мөмкин.
Һаулыҡ һаҡлау министры урынбаҫары Евгений Кустов ведомствола үткән кәңәшмәлә республикаға “ГамКовидВак” вакцинаһының 220 592 дозаһы килтерелеүен белдерҙе. Шуның 36 900 дозаһы 5 апрелдә “Башфармация” келәттәренә оҙатылған.
Вакцинаның тәүге компоненты менән 150 647 кеше прививкаланған. Шуларҙың 66 743-ө – алтмыш йәштән өлкәндәр. Вакцинациялауҙы республиканың 105 506 кешеһе тулыһынса тамамлаған. Әле Башҡортостанда 150 прививка яһатыу пункты эшләй.
Иҫегеҙгә төшөрәбеҙ, Өфө һәм Стәрлетамаҡ ҡалаларында биш мобиль пункт ойошторолдо. Баш ҡалала улар Башҡорт дәүләт опера һәм балет театры бинаһында, “Мега”, “Планета”, “Башҡортостан” сауҙа үҙәктәрендә урынлашҡан. Стәрлетамаҡтарҙы “СитиМолл” сауҙа үҙәгендәге прививкалау мобиль пункты хеҙмәтләндерә. Әле уларҙа яңы коронавирус инфекцияһынан 4 368 кеше вакцина яһатҡан. Пациенттар хеҙмәтләндереү сараһынан ҡәнәғәт, сөнки пункттарҙа сиратһыҙ, тиҙ һәм хәүефһеҙ вакцина яһатырға мөмкин.
Фото: Һаулыҡ һаҡлау министрлығы.
