“Иҫке” дуҫ яңыһынан яҡшыраҡ

Уның алыштыр­ғы­һыҙ сифаттарына күҙ һалайыҡ. Тәндәге сы­йылған, йәрәхәтләнгән урындарға һабын һы­лаһағыҙ, инфекция хә­үе­фен кәметерһегеҙ һәм тән тиреһе тиҙерәк төҙәлер. Бәрелгән тәне­геҙ күгәреп сыҡмаһын өсөн дә уны ҡулла­нырға мөмкин. Кер һа­быны – вирустарға ҡар­шы ла яҡшы сара. Тымау тейгәнен һиҙеү менән һабын иретмәһе менән танау эстәрен йыуығыҙ. Хатта миҙгел сирҙәрен иҫкәртеү өсөн дә был бик тәьҫирле әмәл. Аяҡтарҙағы бәш­мәксәләрҙән ҡотолоу өсөн иртәле-кисле аҙна дауамында уларҙы һабынлап йыуығыҙ. Шәхси гигиена әйбер­ҙәрен (тараҡ, йыуғыс, теш щеткаһы) зарар­һыҙландырыу өсөн дә ул яҡшы хеҙмәт итәсәк.

Кер һабыны биттәге һытҡы­ларҙан ҡотолорға ла ярҙам итә. Көн­кү­реш­тә был гигиена сараһы алыштырғыһыҙ, сөнки ул тәбиғи, хәүеф­һеҙ, аллергия тыуҙыр­май. Уның менән һа­уыт-һабаны һалҡын һыу­ҙа йыуһағыҙ ҙа, тә­рилкә-кәстрүлдәрегеҙ бик яҡшы таҙарыр. Һа­бынлы һыуҙы ергә түк­һәгеҙ, ул үҫемлектәргә зарар килтермәйәсәк.