+20 °С
Болотло
Сәләмәт булайыҡ
18 Июнь 2021, 11:30
Сирлеләр ҙә, ҡорбандар ҙа арта
Һуңғы тәүлектә 110 пневмония осрағы теркәлгән.
Һаулыҡ һаҡлау министрлығы республикала коронавирус инфекцияһы таралыуы буйынса һуңғы мәғлүмәттәр менән таныштырҙы. Күреүебеҙсә, сирҙе йоҡторғандар һуңғы тәүлектә артҡан – 109 кеше. Шулай итеп, республикала был мәкерле сирҙе эләктергәндәр һаны 39 865-кә етте.
Әле стационарҙарҙа 183 ауырыу дауалана, амбулатор шарттарҙа – 1 358 кеше. Һуңғы тәүлектә 124 ауырыу һауыҡҡан. Ҡыҙғанысҡа ҡаршы, тәүлек эсендә дүрт пациенттың вафат булыуы билдәле. Ковид ҡорбандары һаны республикала 556-ға етте.
Һуңғы тәүлектә 110 пневмония осрағы теркәлгән. 112 пациент дауахананан һауығып сыҡҡан.
Коронавирустан ҡотолоу сараһы бер – прививка яһатыу. Шуға күрә үҙегеҙҙе һәм яҡындарығыҙҙы мәкерле сирҙән ҡурсаларға теләһәгеҙ, вакцина яһатырға ашығырға кәрәк.
Фото: ridus.ru
