“Салауат Юлаев”тың капитаны прививка яһатты

Бөгөн “Салауат Юлаев” хоккей командаһы капитаны Григорий Панин “Торатау” конгресс-холындағы вакцинация үҙәгендә прививка яһатҡан. Спортсыға "Спутник V" препаратын эшләгәндәр. Ул үҙен һәйбәт тоя.

“Салауат Юлаев” хоккей командаһының матбуғат хеҙмәте белдереүенсә, әлеге мәлдә командалағыларҙың 98 проценты прививка яһатҡан.

Башҡортостанға йәмғеһе Covid-19-ға ҡаршы 1 061 838 доза вакцина ебәрелгән. Беренсе компонентты - 918 656, икенсеһен 655 270 кеше эшләткән. Һуңғы тәүлек эсендә вакцинаны 32 602 кешегә ҡаҙағандар.

Фото: "Салауат Юлаев" хоккей клубы.