Хәлдәр яҡшыра

Кисә ил Президенты Владимир Путин менән эш осрашыуы мәлендә Башҡортостан Башлығы Радий Хәбиров уға республикала үлем осраҡтары кәмей башлауы тураһында һөйләне. Шулай уҡ коронавирус буйынса дөйөм хәлдәр менән таныштырҙы.

– Нимәһе мөһим, беҙ быны махсус өйрәндек – апрель аҙағы-май башынан алып яҡшы тенденция барлыҡҡа килде: кешеләр әҙерәк үлә. Былтырғы йыл ауыр булды, быйыл яҡшыраҡ. Кешеләр дөйөм алғанда пневмониянан да, онкологиянан да, йөрәк-ҡан тамырҙары сирҙәренән дә әҙерәк үлә башланы, – тине Радий Хәбиров. – Ә дөйөм алғанда беҙ үҙебеҙгә шундай маҡсат ҡуйҙыҡ: пандемияға ҡарамай, беҙ был хәлдән тағы ла модернизациялы һәм нығынған булып сығырға теләйбеҙ.

7 авгусҡа ҡарата республикала коронавирустың 50069 осрағы теркәлгән. 46155 кеше һауыҡҡан, уларҙың 375-е һуңғы тәүлектә.

Фото: ufimnivy.rbsmi.ru