Коронавирус: бөгөнгә мәғлүмәттәр

Бөгөнгә беҙҙең республикала коронавирусҡа бәйле хәл шундай: йәмғеһе 52 мең 300 кеше сирләй, шул иҫәптән һуңғы бер тәүлектә өҫтәлгәндәр – 286 кеше.

Стационарҙарҙа 694 кеше дауалана, уларҙың 60 йәштән өлкәнерәктәре – 405 пациент. 61-е ауыр хәлдә, 8-е яһалма тын алдыртыу аппаратына тоташтырылған.

2744 кеше амбулатор дауа ала, шул иҫәптә – 60 йәште үткән 818 пациент. Тәүлек эсендә 51 кеше һауыҡҡан. Ә бөтәһен иҫәпләгәндә, 47 мең 956 кеше дауахананан шәбәйеп сыҡҡан.

Тажлы сирҙән Башҡортостанда бер тәүлектә 12 үлем осрағы теркәлгән. Пандемия башланғандан алып бөтәһе 906 кеше үлгән, шул иҫәптән – 60 йәштән өлкәнерәк 726 кеше. Һуңғы тәүлектә дауаханаға ятмайынса пневмония менән сирләүселәр 128 кешегә артҡан. Был ауырыуҙан йүнәлеп, 109 кеше дауахананан сыҡҡан.

Башҡортостанға COVID-19-ға ҡаршы көрәшеү өсөн 1 миллион 128 мең 698 доза вакцина алынған. Прививканың беренсе компонентын 1 миллион 55 мең 888 кеше яһатҡан (алдырылғандың 85,9 проценты).

Тулыһынса (ике компонентын да ҡаҙатып) вакцина эшләтеүселәр – 844 мең 614 кеше. Бер тәүлектә 8492 кеше (беренсе компонентын – 3401, икенсе компонентын – 5091) прививка яһатҡан.

Фото: coronavirus-control.ru