Әлегә күңелде күтәрерлек хәбәр юҡ...

Республикала һуңғы тәүлектә коронавирус инфекцияһын  290 кешенең йоҡтороуы асыҡланды.  Аҙна башынан алып был һандың артыуға ғына барыуын күрәбеҙ. Пандемия осоронда был күрһәткес 53 169-ға етте. Тәүлектә 448 ауырыу һауыҡҡан, ҡыҙғанысҡа ҡаршы, йәнә 12 пациент вафат булған. Был һан хәҙер 941-гә барып етте.

Рәсәйҙә тәүлек эсендә 20 914 кешенең сирҙе йоҡтороуы билдәле, 799 ауырыу вафат булған.

Республикала вакцинаның тәүге компонентын 1 073 648 кеше яһатҡан, тулыһынса прививкаланғандар – 871 995. Эпидемиологик хәлдең хәүефле булыуы көн кеүек асыҡ, вакцина яһатырға һуңламағыҙ.

Фото: molva33.ru