Юшҡын хәүефлеме?

Күптәрҙе эсәр һыу проблемаһы борсой. Ҡалала автоматтарҙан һыу алыу ғәҙәти ғәмәлгә әүерелде, уның сифатын халыҡ маҡтай, ҡайнатҡанда сәйнүккә юшҡын ултырмай, тиҙәр. 

Был хәл һыуҙың сифаты тураһында һөйләйме? Сәй­нүк­тәге юшҡындың сәләмәт­леккә зыяны бармы? Ниндәй миҡ­дарҙа ул зарарлы, фильтр­ҙар ҡулланыу һөҙөм­тәлеме?Ошо һорауҙарға Гигиена һәм эпидемиология үҙәгенең бүлексә мөдире Светлана Ғилманова яуап бирә.– Юшҡындың барлыҡҡа килеү сәбәбе – һыу үткәргес һыуындағы тоҙҙарҙың ултырыуында. Һыуҙы ҡайнатҡанда был тоҙҙар углекислый газға һәм ҡаты матдәгә тарҡала. Шуның һөҙөмтәһендә юшҡын барлыҡҡа килә.Организмға аҙ миҡдарҙа ғына юшҡындың эләгеүе хә­үефле түгел. Әммә юшҡын­лы һыуҙы даими ҡулланыу­ҙан сәләмәтлеккә зарар ки­леүе ихтимал. Кешенең ашҡа­ҙанында юшҡын тар­ҡал­ғандан һуң, тоҙ бер­ләшмәләре ҡанға эләгә һәм бөтә организмға тарала. Һө­ҙөм­тәлә тоҙҙар быуын­дарға ултыра, бөйөрҙәрҙә һәм үт ҡыуығында таш барлыҡҡа ки­лә, ҡан тамырҙары тарая. Өҫ­тәүенә һыуҙың тәм сифатын кәметә. Шуға күрә таҙартыусы фильтрҙар ҡулланығыҙ, – ти Светлана Ғилманова.