“Спутник Лайт” өлкәндәргә лә ярай...

Рәсәйҙең Һаулыҡ һаҡлау министрлығы эксперттары: “Спутник Лайт“ вакцинаһын 60 йәштән өлкәндәргә лә яһарға мөмкин", – тип белдерҙе. Был хаҡта ведомство етәксеһе Михаил Мурашко ла әйтеп үтте. Министрҙың һүҙҙәренсә, коронавирус инфекцияһынан вафат булғандарҙың 85 процентын тап өлкәндәр тәшкил итә.

“Спутник Лайт” – Гамалея үҙәге етештергән “Спутник V” вакцинаһының беренсе компоненты. Белгестәр яңы препараттың тәьҫирлелеген яҡынса 80 процент тип иҫәпләй. Министрҙың әйтеүенсә, препаратты күберәген вакцина ҡаҙатыуҙы яңынан ҡабатлағанда ҡулланалар. Бөгөн ул илдең һәр төбәгендә бар.

Михаил Мурашко өлкәндәрҙең бөтәһен дә тиерлек август айында вакцина яһатырға саҡырҙы. Прививка ҡаҙатмау өсөн медицина күрһәтмәһе булғандар ғына ситтә ҡала ала.

Әле илдә 43 миллионға яҡын кеше коронавирустан вакцина ҡаҙатҡан. Чечен Республикаһы, Белгород һәм Мәскәү өлкәләре был йәһәттән алдынғы.

Фото: Lenta.ru