Йәнә 15 кеше вафат...

Әлегә тынысланырға бер сәбәп тә юҡ. Коронавирус инфекцияһы республикала таралыуын дауам итә.

Һуңғы тәүлектә вирусты йоҡторғандар һаны 301-гә артҡан һәм 112 ауырыу һауыҡҡан. Ҡыҙғанысҡа ҡаршы, сир тағы ла 15 кешенең ғүмерен өҙҙө. Был – республика өсөн иң юғары күрһәткес. 24 һәм 25 августа ла шунса үлем осрағы теркәлгәйне. Вирус ҡорбандарының дөйөм һаны 1058-гә етте.

Пандемия башланғандан алып республикала мәкерле  сирҙе  5 841 кешенең йоҡтороуы билдәле.  Вакцина яһатыу  Башҡортостанда дауам итә, ике компонентын да яһатҡандар һаны - 963364 кеше.

Рәсәйҙә һуңғы тәүлектә сирҙе йоҡторғандар  19509 тәшкил итә. 798 ауырыуҙың вафат булыуы билдәле.

Фото:Башинформ.