Башҡортостан
+14 °С
Облачно
VKOKРУС
Бөтә яңылыҡтар
Сәләмәт булайыҡ
10 Сентябрь , 21:30

Һандар хәүефкә һала...

Һуңғы тәүлектә тағы 304 кеше сирҙе эләктергән, 15 ауырыу вафат булған. Иң ҡатмарлы хәл ҡайһы районда?

Һандар хәүефкә һала...

Республикала коронавирус таралыуы буйынса алынған көндәлек мәғлүмәт хәүефләндерә. Һуңғы тәүлектә тағы 304 кеше сирҙе эләктергән, 15 ауырыу вафат булған - һиҫкәндерерлек хәл шул.

Коронавирус инфекцияһын йоҡторғандарҙың дөйөм һаны 60 071 тәшкил итә, вирус ҡорбандары – 1 264. Тәүлек эсендә 211 ауырыу һауыҡҡан. 

Амбулатор шарттарҙа дауаланғандар ҙа артты, бөтәһе – 4 768. Дауаханаларҙа – 695 пациент, 61-е ауыр хәлдә, 13-ө үпкәне яһалма елләтеү аппаратына тоташтырылған.

Һуңғы тәүлектә сирҙе йоҡторғандарҙың күбеһе Туймазы районында (63 осраҡ), Өфөлә (49), Нефтекамала (22), Октябрьский ҡалаһында (20) теркәлгән.

Республикала вакцинаның тәүге компонентын 1 207 882 кеше яһатты, иммунизацияны тулыһынса тамамлағандар иҫәбе - 1 079 586. 

Фото: РБК

Автор:Дина Арсланова