Табип бәхәскә нөктә ҡуя

Халыҡ араһында коронавирусҡа бәйле төрлө  уйҙырмалар, ялған хәбәрҙәр йөрөй. Мәҫәлән, шуларҙың береһе: “Антиесемдәрҙе ай һайын тикшереп торорға кәрәк, улар юҡҡа сыҡҡас ҡына вакцина яһатырға мөмкин”. Медицина фәндәре докторы, БР Һаулыҡ һаҡлау министрлығының штаттан тыш баш инфекционисы Дамир Вәлишиндең яуабы бәхәскә нөктә ҡуя.

 – Антиесемдәрҙең күпме икәнлеген тикшереп тороу кәрәкмәй. Халыҡ һуңғы ва­ҡытта  үҙендә күпме антиесем барлығы менән ҡы­ҙыҡһына, үҙ-ара “ярыша” башланы. Киҙеүҙән прививка яһатҡанда бер кем дә антиесемдәрен тикшертеү тураһында уйлап та ҡарамай бит. Бөтә донъя һаулыҡ һаҡлау ойошмаһы һәм ға­лимдар фекеренсә, анти­есем­дәргә тестарҙы вакцина яһатыу тураһында ҡарар ҡабул иткәндә фай­ҙаланырға ярамай. Анти­есемдәрҙең булыуы имму­нитеттың бар­лығын аңлат­май. Һығымта: уларҙың ки­мәле ниндәй булыуына ҡарамаҫтан вакцина яһа­тырға кәрәк.

Тағы бер уйҙырма: ”Бер кем дә беҙгә нимә ҡаҙаған­дарын белмәй, вакцинаның составын әйтмәйҙәр, ә уҡырға табиптар бирмәй. “Бөтә мәғлүмәт Дарыу саралары­ның дәүләт реестрында бар. Ҡулланмалар бирелгән. Һәр кем  улар менән ентекле таныша ала”, – тип аңлатты табип.