Прививка пункттары нисек эшләйәсәк?

Бөгөндән Өфө һәм Стәрлетамаҡ ҡалаларындағы сауҙа-күңел асыу үҙәктәрендә вакцина яһау пункттарының эш графигы үҙгәрҙе. Улар дүшәмбенән йәкшәмбегә тиклем (байрам көндәрен дә индереп) 13.00 сәғәттән 19.30 сәғәткә тиклем тәнәфесһеҙ эшләйәсәк.

18 сентябрҙән “Торатау” конгресс-холындағы мобиль пункт 9.00 сәғәттән 19.00 сәғәткә тиклем көн һайын ялһыҙ эшләйәсәк. Өфө ҡалаһының Ферин урамындағы 29-сы йортта урынлашҡан “Акварин” сауҙа-күңел асыу комплексындағы мобиль пункт 18 сентябрҙән ябыла.

Республикала 200-ҙән ашыу вакцина яһау пункты эшләй. Яҡындағы пунктты табыу өсөн «Яндекс.Карт» эҙләү юлына һорауығыҙҙы индерегеҙ, мәҫәлән, “прививканы ҡайҙа эшләтергә”.

Әле вакцина яһатыуҙы республикала 1 120 588 кеше тамамлаған. Ә маҡсат – халыҡтың 80 процентына вакцина яһау.  Был 2 484 667 кеше тигән һүҙ.

 Вакцина яһатыу мәсьәләләре  буйынса  “ҡыҙыу бәйләнеш” телефондары түбәндәгесә: Ковидҡа ҡаршы ситуация үҙәге – 8-347-218-19-19; коронавирус  инфекциялары мәсьәләләре буйынса – 8-347-286-58-27; 8-347-279-91-20 ( күп каналлы тәүлек әйләнәһенә)); 122 (түләүһеҙ).

Бөтә бәйләнештәр тураһында министрлыҡ сайты битендә - https://health.bashkortostan.ru/activity/20821/  һылтанмаһы буйынса; вакцина яһатыу тураһында бөтә мәғлүмәт министрлыҡ сайтындағы биттә - //health.bashkortostan.ru/activity/27353/

Һеҙҙе түбәндәге мобиль пункттарҙа  көтәләр: “Торатау” конгресс-холында 9.00 сәғәттән 19.00 сәғәткә тиклем; “Ҡунаҡһарай” комплексында, “Лайфстал Башҡортостан үҙәге”ндә, “Мега”, “Планета”, “Простор”, ”Мир” сауҙа  үҙәктәрендә, “Үҙәк” сауҙа комплексы”нда  – 13.00 сәғәттән 19.00  сәғәткә тиклем. Стәрлетамаҡ ҡалаһында - “Фабри” сауҙа үҙәгендә һәм “Сити Молл” сауҙа-күңел асыу үҙәктәрендә 13.00 сәғәттән 19.00 сәғәткә тиклем. Поликлиникаларҙағы прививка кабинеттары 8.00 сәғәттән  20.00 сәғәткә тиклем эшләй.

Фото: Һаулыҡ һаҡлау министрлығы.