20 ауырыу сирҙе еңә алмаған...

Республикала коронавирус инфекцияһы таралыуы дауам итә, эпидемиологик хәл хәүефле. Һуңғы тәүлектә сирҙе йоҡторғандар һаны  384-кә артҡан. Стационарҙарҙа 654 ауырыу дауалана, 387-һен алтмыш йәште уҙған өлкәндәр тәшкил итә. 35 пациент ауыр хәлдә, туғыҙы үпкәне яһалма елләтеү аппаратына тоташтырылған.

Амбулатор шарттарҙа 6 526 кеше дауалана, шуларҙың 3 624-е – алтмыш йәштән өлкәндәр.  Тәүлек эсендә  611 ауырыу һауыҡҡан һәм, ҡыҙғанысҡа ҡаршы, 20 пациенттың ғүмере өҙөлгән. Вирус ҡорбандары һаны республикала 1 575 –кә етте. Пневмония осраҡтары тәүлектә 168-гә артҡан һәм ошо диагноз ҡуйылған 152 ауырыу һауыҡҡан.

Республикала вакцина яһатыу темпы бер ни тиклем һүлпәнәйҙе. Тулыһынса прививка ҡаҙатҡандар һаны 1 165 720 тәшкил итә. Тәүлек эсендә 3 334 кеше вакцина яһатҡанлығы билдәле.

Фото:tfoms-rb.ru