Тағы бер госпиталь асылды...

Өфөләге Ғ.Ҡыуатов исемендәге республика клиник дауаханаһын коронавирус инфекцияһын йоҡторғандарҙы дауалау өсөн яңынан үҙгәртеп ҡорорға булдылар.  Был хаҡта дауахананың баш табибы Шамил Булатов белдерҙе.

Ковид-госпиталь терапия корпусы базаһында асылды. 210 койка әҙерләнгән, тағы ла 50 урын резервта. Шуларҙың 20-һе реанимация бүлеге өсөн. Шул уҡ ваҡытта  дауахана республика халҡына бөтә профилдәр буйынса медицина ярҙамы күрһәтәсәк.

27 сентябргә алынған мәғлүмәттәр буйынса,  Башҡортостанда ковид-пациенттар өсөн  бөтәһе 5 465 урын булдырылған. Һуңғы тәүлектә стационарҙарға 449 пациент килтерелгән, 89-ы – балалар. Тағы ла 291 бала өйҙә дауалана.

Фото:Newsbash.ru