Көн һайын арта ғына

Был зәхмәттән ҡасан ҡотолорбоҙ икән? Коронавирус кешеләрҙе сиргә һабыштырыуын, ғүмерҙәрҙе ҡыйыуын дауам итә.

Бөгөн дә яҡшы хәбәр юҡ: һуңғы тәүлектә 578 кешенең сирҙе йоҡторғаны, 30 ауырыуҙың вафат булғаны асыҡланды. Пандемия башланғандан алып бөтәһе 70 406 кеше коронавирусҡа дусар булған. Вирус ҡорбандары һаны 1790-ға етте.

Тәүлек эсендә 532 ауырыу һауыҡҡан. Әле стационарҙарҙа 879 пациент дауалана, 37-һе ауыр хәлдә, 18-е үпкәне яһалма елләтеү аппаратына тоташтырылған.  Амбулатор шарттарҙа 6 370 кеше дауалана. Һуңғы тәүлектә сирҙе йоҡторғандарҙың күбеһе Өфөлә (173), Туймазы районында (114), Стәрлетамаҡта (36), Бәләбәйҙә (23), Октябрьский һәм Салауат ҡалаларында (22-шәр) асыҡланған.

Үҙегеҙҙе һаҡлағыҙ!

Фото: BashNews