Республиканың Һаулыҡ һаҡлау министрлығынан хәбәр итеүҙәренсә, Өфө ҡалаһында вакцина яһау буйынса тағы бер пункт асыла. Ул Сипайлово биҫтәһендәге “Карусель” сауҙа үҙәгендә урынлашасаҡ.
Маршал Жуков урамындағы 12-се йорттағы пункт 13.00 - 20.00 сәғәттәрҙә эшләйәсәк, ял көндәрендә - иртәнге 10-дан киске 8-гә 20 тиклем.
Өфөләрҙе прививка яһатырға саҡырабыҙ. Сир таралыуын дауам итә, үҙегеҙҙе һаҡлағыҙ. Һуңғы тәүлектә генә республикала 660 кешенең вирусты йоҡторғаны билдәле. Хәҙерге ваҡытта вакцинаның тәүге компонентын 1 миллион 437 мең 118 кеше алды. Иммунизацияны тулыһынса 1 миллион 263 мең 912 граждан тамамланы.
Фото: "Горобзор".