Ҡайһы төбәктәрҙә хәл киҫкен?

Рәсәйҙә коронавирус инфекцияһы менән ауырығандар һаны арта бара. Һуңғы тәүлектә 33740 зарарланыу осрағы теркәлгән.

Рәсәй Хөкүмәте ҡарамағындағы COVID-19-ға ҡаршы көрәш буйынса координация советы президиумы ултырышында Һаулыҡ һаҡлау министры Михаил Мурашко хәбәр итеүенсә, ил төбәктәрендә эпидемиологик процесс тигеҙ бармай.

“Удмурт, Башҡортостан, Татарстан республикаларында, Пермь крайында, Ырымбур, Төмән, Иванов өлкәләрендә коронавирусҡа бәйле хәл киҫкен. Ул индивидуаль саралар күреүҙе талап итә, шул иҫәптән сикләүҙәр буйынса ла. Шуға күрә был төбәктәргә ярҙамға өҫтәмә медицина бригадалары йүнәлттек. Бөгөн улар эш башланы ла инде”, - тине министр.

Ул шулай уҡ Башҡортостан, Татарстан, Сыуаш, Удмурт республикаларында, Севастополдә, Брянск, Липецк, Воронеж, Рязань өлкәләрендә, Ямал-Ненец автономиялы округында вакцинациялау кампанияһының дәррәү барыуын билдәләне.

Фото: ГорОбзор.ру