Бөтә яңылыҡтар
Сәләмәт булайыҡ
27 Октябрь , 22:00

ПЦР-тестың көсө ҡалманы...

Бөгөндән уның менән йәмәғәт урындарына индермәйҙәр. Был белешмәнән баш тартыу сәбәбе ниҙә?

ПЦР-тестың көсө ҡалманы...

Бөгөндән башлап коронавирусҡа тапшырылған ПЦР-тестың кире һөҙөмтәһе йәмәғәт урындарына инеү өсөн нигеҙ була алмай.

Хәҙер сауҙа үҙәктәренә, матурлыҡ салондарына, бассейн, фитнес-үҙәк, музей, күргәҙмә залы һәм китапханаларға инеү өсөн ковидтан прививка яһатыу тураһында сертификат йәки һуңғы ярты йыл эсендә сирҙе үткәреү тураһында белешмә булыуы мотлаҡ.

Шуның менән бергә ПЦР-тест дауаханаларға дауаланыу өсөн ятҡанда кәрәк буласаҡ.

Башҡортостан Башлығы Радий Хәбиров элегерәк ПЦР-тест белешмәһенән баш тартыу сәбәбен аңлатып үткәйне. Уның әйтеүенсә, вакцина яһатыу – коллектив иммунитет булдырыуҙа берҙән-бер сара. Ул шулай уҡ ҡала һәм район башлыҡтарына санитар-эпидемиологик талаптарҙы халыҡҡа, эре предприятие етәкселәренә еткереү үтенесе менән мөрәжәғәт иткәйне.

Фото: ”Башинформ”.

Автор:Дина Арсланова