Өс сабый реанимацияла...

Өфө ҡалаһының 17-се дауахана базаһында урынлашҡан ковид госпиталендә коронавирус инфекцияһын йоҡторған 16 сабый дауалана. Өсәүһе – реанимацияла. Был хаҡта республиканың һаулыҡ һаҡлау министры Максим Забелин хәбәр итте.

Етәксенең әйтеүенсә, инфекция сабыйҙарға әсәләренән йоҡҡан. Сабыйҙарҙың ковидтан вафат булған осраҡтар әлегә теркәлмәгән. Ата-әсәләр вакцина яһатҡан ваҡытта сирҙе  йоҡтороуҙар аҙыраҡ булыр ине.

Һуңғы осорҙа коронавирус  балаларҙы ла аямай. Шуға күрә август аҙағында 17-се дауахана базаһында кескәйҙәр өсөн ковид госпитале булдырылды. Сабыйҙарҙы мәкерле сирҙән һаҡлау өсөн үҙебеҙҙең сәләмәт булыуыбыҙ, вакцина яһатыуыбыҙ  кәрәк.

Фото: Һаулыҡ һаҡлау министрлығы.