Ковидты дауалауҙа төп хата

Үҙ белдегең менән коронавирустан дауаланыу – һәләкәт, тип иҫәпләй терапевт, Р. Ходанова исемендәге Иммунокоррекция үҙәгенең генераль директоры Людмила Лапа.

“Һәр дауалау осрағында аҙналыҡ “тәҙрә” була, дөрөҫ да­уалағанда кеше тиҙерәк һа­уыға. Аҙаҡ сир барышы һуҙы­ла, иммунитет көсһөҙләнә, интоксикация көсәйә. Ҡайһы саҡ­та кешеләр ун көн буйы ауы­ры­ғандан һуң ғына табипҡа мө­рәжәғәт итә, был саҡта көр­сөк башланған була инде, тиҙ һауығыу мөмкин түгел. Үҙ бел­дегең менән дауаланырға тырышыу һәләкәткә тиң, орга­низм­дың реакцияһын күҙ алдына килтереүе лә ҡыйын”, – ти терапевт. Температура күтә­ре­леү менән шул уҡ көндә мот­лаҡ табипты саҡыртырға йәки мөрәжәғәт итергә кәрәк, тип кәңәш итә табип.

“Ә беҙ ни эшләйбеҙ? Та­маҡ­ты сайҡатҡан, вирусҡа ҡар­шы дарыуҙар эскән булабыҙ. Дауалау дөрөҫ билдәләнмәһә, иммун системаһының реакция­һы нисек булырын, ковидтан һуң синдромдың нисек үҫе­шәсәген тоҫмаллауы ауыр. Өҙлөгөүҙәрҙең айҙарға һуҙы­лыуы, баш ауыртыуы, ашҡа­ҙан-эсәк эшмәкәрлегенең бо­ҙолоуы, бөйөрҙәр йәрәхәт­ләнеүе, быуындар һыҙлауы ихтимал. Быларҙың барыһы ла – дауалап бөтмәгән ковид эҙемтәләре”, – тип аңлата табип. Уның фекеренсә, корона­вирусҡа ҡаршы көрәштә вакцина яһатыу иң мөһиме, ул үҙенсәлекле иммун терапия­һына бәрәбәр. Сирҙе йоҡтор­ған хәлдә лә, организмдағы антиесемдәр һеҙҙе нығыраҡ һаҡлаясаҡ.

Динә АРЫҪЛАНОВА