Ҡан сирҙәрен дауалау оҙайлы...

Республикала былтыр, 2020 йыл менән сағыштырғанда, гематология профиле буйынса лицензиялар алған медицина ойошмаларының һаны 36 процентҡа артты. Бирелгән лицензиялар һаны 11-гә күбәйгән.

Һаулыҡ һаҡлау министрлы­ғының лицензиялау бүлеге начальнигы Эльвира Тәхәүетдинова аңлатыуынса, былтыр йыл башынан гематология буйынса яңы лицен­зияларҙы бер дәүләт, туғыҙ шәхси һәм бер муниципаль учреждение алған. Гематология буйынса ли­цензияларҙың берҙәм реестрында бөтәһе 54 ойошма иҫәпләнә.

Ҡан сирҙәре – иң агрессив ауырыу төрҙәренең береһе, улар тиҙ үҫешә һәм аҙа, шуға күрә ҡан ауырыуҙарын дауалау ҡатмарлы һәм оҙайлы. Ҡан әйләнеше сис­темаһы сирҙәре үлем структу­раһында беренсе урынды алып тора (46%). Уларҙан ҡала яман шештәр, нервы системаһы, аҙыҡ эшкәртеү һәм тын алыу ағзалары сирҙәре килә.

Һаулыҡ һаҡлау министрлығы лицензияларҙы рәсмиләштереүҙә ҙур ярҙам күрһәтә. Бөтә мәғлүмәт министрлыҡ сайтында урын­лаштырылған, ”ҡыҙыу бәйләнеш” эшләй. Республикала медицина эшмәкәрлеген башҡарыуға лицензиялар алыу ҡыҫҡа ваҡытта, ни бары 19 көн эсендә үтәлә.

Динә АРЫҪЛАНОВА