Ковид: сир хәүефе тағы ла көсәйҙе

Башҡортостанда, дөйөм алғанда, 139280 кеше ковид менән сирләгән. Һуңғы тәүлектә ауырыуҙы йәнә 1845 кеше йоҡторған.

Әле 242, шул иҫәптән 60-тан өлкәнерәк 185 сирле стационарҙа ята. Шуларҙың 37-һе – ауыр хәлдә, икәүһе – үпкәне яһалма елләтеү аппаратында. 10285 кеше, 60-тан үткән 5542 пациент амбулатор дауалана. Тәүлек эсендә 626, бөтәһе 123926 кеше дауахананан шәбәйеп сыҡҡан. Ковидтан һуңғы тәүлектә 19, бөтәһе 4827, 60 йәштән өлкәнерәк 4131 кеше вафат булған.

Һуңғы тәүлектә 28 кешелә дауахананан тыш пневмония асыҡланған. 201 пациент, пневмония менән сирләп, дауахананан һауығып сыҡҡан.

Ковидҡа ҡаршы вакцинация планы – 2484667 кеше (өлкән йәштәгеләр – 3105836 кеше). Республикабыҙға коронавирустан йәмғеһе 2914858 доза вакцина килгән. Тәүге компонентты 2388018 кеше (вакцинацияланырға тейешле халыҡтың 96,1 проценты) һалдырған. Вакцинацияны 2226962 кеше (89,6 процент) тулыһынса үткән. Бер тәүлектә 9375 кеше (беренсе компонентты – 4678, икенсеһен – 4697 кеше) вакцина яһатҡан.

Ревакцинацияланғандар һаны – 320626 (+2882). 60 йәштән өлкәнерәк 785763 кеше прививка һалдырған, шуларҙың 640986-һы вакцинаның тәүге компонентын, 587670-е икеһен дә эшләткән. Вакцинацияланған 12 – 17 йәшлек балалар һаны – 2163.

Фото: progorodsamara.ru