Бөтә яңылыҡтар
Сәләмәт булайыҡ
25 Февраль 2022, 15:35

ЙОНДОҘНАМӘ (28 февраль – 6 март)

pixabay.com
Фото:pixabay.com

ҠУҘЫ

Тормошоғоҙҙа ҙур үҙгәрештәр, байтаҡ ыңғай яңылыҡтар көтөлә. Фекерҙәштәр табырһығыҙ, ҡы­ҙыҡ­лы идеялар менән янырһығыҙ. Күптән борсоған мәсьәләне шаршамбы хәл итә алырһығыҙ. Аҙнаның иң уңышлы көнө – шәмбе.

 

БУҒА

Аҙнаның тәүге көндәрендә аҡсаға бәйле эштәрҙе, яңы әйбер һатып алыуҙы кисектереп тороғоҙ. Өҫтәүенә был осорҙа алдаҡсылар­ҙың тоҙағына эләгеү хәүефе лә бар. Күптән көткән яңылыҡты йәкшәмбе ишетерһегеҙ.

 

ИГЕҘӘКТӘР

Был аҙнала шатлыҡ та, һағыш та аралашып килер. Күп нәмә һөнәри эшмәкәрлеккә ҡағылыр. Аҙна башы эштә уңыш вәғәҙә итә, отошло килешеү төҙөү мөмкинлеге бар. Әммә шаршамбынан һуң һәр йәһәттән иғтибарлы булығыҙ, айырыуса аҡса мәсьәләһендә.

 

ҠЫҪАЛА

Шаршамбыға тиклем бизнес, карьера өлкәһендә уңышҡа өлгәшерһегеҙ. Был көндәр шулай уҡ яңы әйбер, кредит, ипотека алыу өсөн дә ҡулай. Йома документ­тарҙы юғалтыу хәүефе юғары, етәкселектән тәнҡит һүҙҙәре ишетеүегеҙ бар.

 

АРЫҪЛАН

Был аҙнала үҙ көсөгөҙгә ышаныс артыр. Ниндәйҙер мөһим мәсьәләне хәл иткәндә йылдам ҡарарға килергә тура килер, моғайын. Килешеүгә ҡул ҡуйғанда үҙ мәнфәғәтегеҙҙе ҡыйыу яҡлағыҙ. 3-6 мартта яҙмышығыҙға йоғонто яһарлыҡ кеше менән танышырһығыҙ.

 

ҠЫҘ

Был аҙнала көтөлмәгән хәлдәр­гә әҙер булығыҙ. Шаршамбынан һәр йәһәттән һаҡ булыу ҡамасау­ламаҫ. Иҫәп-хисап менән шөғөл­ләнгәндәргә иғтибарлы булырға кәңәш ителә. Йәкшәмбенән барыһы ла яйға һалыныр.

 

ҮЛСӘҮ

Дүшәмбе, шишәмбе шәхси тор­мошоғоҙҙа күңелле ваҡиғалар көтөгөҙ. Ҡыҙыҡлы кешеләр менән танышыу мөмкинлеге бар. Яңғыҙ­ҙарҙың буласаҡ тормош юлдашын осратыуы ихтимал. Аҙна аҙағына һәр йәһәттән иғтибарлы булыу ҡамасауламаҫ.

 

САЯН

Осор шәхси мөнәсәбәттәр йә­һә­тенән бер аҙ көсөргәнешле бул­маҡсы. Кесаҙнаға тиклем дорфа ҡыланмаҫҡа, әүҙемлекте бер аҙ кәметергә кәңәш ителә. Уның ҡа­ра­уы аҙна аҙағы һәр йәһәттән уңышлы булыр. Яңғыҙҙарҙы яҙмышты хәл иткес осрашыу көтә.

 

УҠСЫ

Был аҙнала йондоҙҙар һеҙгә шәхси тормошоғоҙ менән шөғөл­ләнергә кәңәш итә. Осор шулай уҡ файҙалы бәйләнештәр булдырыу өсөн ҡулай. Финанс өлкәһендә яҡ­шы яңылыҡ көтөгөҙ. Бер генә кәңәш – мө­һим эште шаршамбыға планлаштырмағыҙ.

 

ЫЛАҠ

Кесаҙнаға тиклем эштә һәм аҡса мәсьәләһендә уңышлы осор дауам итер. Был арала күптән хәл итә алмай яфаланған проблеманы яйға һалыу алымын табыр­һығыҙ. Аҙнаның һуңғы ике көнө генә бер аҙ сетерекле булмаҡсы, яҡындарығыҙ менән һүҙгә килеү хәүефе бар.

 

ҺЫУҒОЯР

Аҙна йәшәйештең барлыҡ өл­кәләрендә шатлыҡ һәм уңыш­тар алып килер. Дүшәмбе, ши­шәм­бе – иң уңышлы көндәр. Улар яңы мөмкинлектәр асыр, матди хәле­геҙ, ғө­мү­мән, тормошоғоҙ яҡшы яҡҡа үҙгәрер. Осор­ҙоң һуңғы көнө генә бер аҙ көсөр­гәнешле үтер.

 

БАЛЫҠ

Борсолорға урын юҡ, йондоҙ­ҙар һәр йәһәттән уңыш вәғәҙә итә. Шишәмбегә тиклем байтаҡ мәсьәләләрҙе ыңғай хәл итерһегеҙ, ә бына шаршамбы рәхәтләнеп ял итер­гә форсат тыуыр. Аҙнаның икенсе яртыһында матди хәлегеҙ ярайһы уҡ яҡшырыр.

Читайте нас в