Бөтә яңылыҡтар

Шифалы дауаны үҙебеҙ эшләйек

Яҙ - организм витаминдарға ҡытлыҡ кисергән ваҡыт. Ошо мәлдә иммунитетты күтәреү өсөн түбәндәге сара ярҙамға килә алыр.

Шифалы дауаны үҙебеҙ эшләйек
Шифалы дауаны үҙебеҙ эшләйек

1. Ярты стакан йөҙөм, бер стакан грек сәтләүеге, ярты стакан баҙам сәтләүеге (миндаль), яртышар стакан күрәгә һәм кипкән ҡара слива, ике лимон ҡабығын ит турағыстан үткәрергә. Лимон һутын да айырым ошо массаға һығырға, өҫтөнә бал ҡойорға һәм яҡшылап болғатырға. Ҡуйы массаны 1-2 көн ҡараңғыла тотҡас, ҡуллана башларға мөмкин. Артығы һыуытҡыста һаҡлана. Шифаһы тейһен өсөн уны ололарға көнөнә өс тапҡыр бер-икешәр ҡалаҡ, ә балаларға ике тапҡыр берәр балғалаҡ ашарға кәңәш ителә.

2. Күрәгә, кипкән ҡара слива, инжир, грек сәтләүеге, йөҙөм, бал - ошо компоненттарҙың һәр береһе 200-әр грамм һәм бер лимон алына. Кипкән емештәрҙе, сәтләүекте һәм лимон ҡабығын ит турағыстан үткәрәбеҙ, лимон һуты һәм бал өҫтәп, бутайбыҙ. Файҙалы ризыҡты ашарҙан алда бер ҡалаҡ ҡабыу ҙа хәлде күпкә яҡшыртыр.

Фото:bashkirpaseki.ru

Автор:Аклима Гизатуллина
Читайте нас в