Башҡортостан
-15 °С
Болотло
VKOKРУС
Бөтә яңылыҡтар
Сәләмәт булайыҡ
5 Апрель , 09:00

“Ейәнем кәзә һөтөн эсеп үҫте...”

 “Бик сибек бала булды, ауырып  ата-әсәһен йонсотто, насар ашаны, дарыухананан алған иң ҡиммәтле һөт аҙыҡтары ла ярҙам итмәне", – тип хәтерләй Әминә апай тынғыһыҙ көндәрҙе

“Ейәнем кәзә һөтөн эсеп үҫте...”
“Ейәнем кәзә һөтөн эсеп үҫте...”

Әминә апай  йыш ҡына  ейәне Мараттың быуынға ултырып, егет ҡорона инә башлауына һөйөнөп, уны бәләкәй саҡта нисек тәрбиәләүҙәре  тураһында һөйләргә ярата. “Бик сибек бала булды, ауырып  ата-әсәһен йонсотто, насар ашаны, дарыухананан алған иң ҡиммәтле һөт аҙыҡтары ла ярҙам итмәне – тип хәтерләй ул тынғыһыҙ көндәрҙе.

– Рәхмәт яуһын  ауылыбыҙға килгән яңы фельдшерға. “Инәй, ейәнегеҙгә кәзә һөтө эсереп ҡарағыҙ, аш һеңдереү эшмәкәрлеге яйланыр,” тип кәңәш итте.  Ысынлап та, ярҙам итте,  ауырыуҙар артта ҡалды, хәҙер Маратыбыҙ йәштәштәрен бер башҡа уҙып, бына тигән буй еткерҙе,” – ти, бер аҙ арттыра биреп, Әминә инәй.

 Табиптарҙың әйтеүенсә, кәзә һөтө һыйыр һөтө менән сағыштырғанда туҡлыҡлыраҡ. Бер стакан кәзә һөтөндә кальций 11 процентҡа, В6 витамины – 25 , А витамины – 47,  калий 134  процентҡа  күберәк. Ә никотин кислотаһы өс тапҡырға артығыраҡ!  2007 йылда сит ил ғалимдары үткәргән тикшереүҙәр һөйәктәрҙәге тимер ҡытлығын һәм минералдар етешмәүен кәзә һөтөнөң тиҙерәк ҡаплауын асыҡлаған. Әминә инәй хаҡлы!

Фото:makeupkey.ru

 

Автор:Дина Арсланова
Читайте нас в