Башҡортостан
-11 °С
Болотло
VKOKРУС
Бөтә яңылыҡтар
Сәләмәт булайыҡ
13 Апрель , 23:30

Кардиология һәм кардиохирургияла ниндәй мәсьәләләр көнүҙәк?

Алдынғы кардиологтар артабанғы үҫеш юлдары хаҡында һөйләште.

Кардиология һәм кардиохирургияла ниндәй мәсьәләләр көнүҙәк?
Кардиология һәм кардиохирургияла ниндәй мәсьәләләр көнүҙәк?

Өфөлә “Кардиология һәм кардиохирургия – проблемаға бер ҡараш” тигән республика ғилми-ғәмәли конференцияһы үткәрелде. Унда көнүҙәк темалар, шул иҫәптән хроник йөрәк сирҙәрен заманса диагностикалау, дауалау технологиялары, пандемия осоронда йөрәк-ҡан тамырҙары ауырыуҙары һәм башҡалар ҡаралды.

“Башҡортостанда кардиология һәм кардиохирургия хеҙмәттәре тиҙ үҫешә. Төбәктәге һаулыҡ һаҡлау системаһының нығытылыуы - дәүләт сәйәсәтенең төп йүнәлештәренең береһе”, - тип белдерҙе республика һаулыҡ һаҡлау министрының беренсе урынбаҫары Гөлнара Зиннурова.

Республика кардиология үҙәге баш табибы Ирина Николаева тармаҡтағы хәлдәр тураһында ентекләберәк һөйләне. Ул яҡын йөрәк-ҡан тамырҙары менән сирләгәндәрҙе дауалауға инновация ысулдарын индереү, ташламалы хаҡҡа дарыуҙар менән тәьмин итеү һәм башҡалар тураһында ла әйтеп үтте.

Быйыл онлайн һәм офлайн режимдарҙа ойошторолған конференцияла Өфөнән, Санкт-Петербургтан, Ҡазандан, Силәбенән 300 тирәһе ғалим, кардиохирург, кардиолог ҡатнашты.

Фото: Башҡортостан Һаулыҡ һаҡлау министрлығы.

Автор:Айһылыу Низамова
Читайте нас в