Бөтә яңылыҡтар

Тағы бер тулҡын килә...

Коронавирус үтте тип тыныс һуларға иртә. 

Тағы бер тулҡын килә...
Тағы бер тулҡын килә...

Бөгөн Хөкүмәттең оператив кәңәшмәһендә коронавирусҡа бәйле һөйләшеү булды. Һаулыҡ һаҡлау министры вазифаһын башҡарыусы Азат Рәхмәтуллин белдереүенсә, Башҡортостанда коронавирустан вакцинацияны тейеш кешеләрҙең 99,8 проценты тулыһынса тамамлаған.

– Рәсәй Һаулыҡ һаҡлау министрлығы мәғлүмәттәре буйынса коронавирустың яңы тулҡыны башланыу ихтималлығы ҙур. Беҙ муниципалитеттар башлыҡтарына мөрәжәғәт итәбеҙ һәм халыҡты был сирҙән ревакцинациялау буйынса эштә булышлыҡ итеүҙе һорайбыҙ, - тине ул. 

Был йәһәттән Башҡортостан Башлығы Радий Хәбиров та эште әүҙемләштерергә ҡушты.

“Үҙебеҙҙән башларға, шәхси өлгө күрһәтергә кәрәк. Мин даими рәүештә вакцина эшләттем. Медицина тәҡдимдәрен ҡарарға кәрәк. Әгәр дельта-штамм кире килһә, юғары үлем күрһәткестәре артыуы бар”, – тине Радий Хәбиров.

Әле Башҡортостанда хәлдәр сағыштырмаса тыныс. Пандемия башланғаны бирле коронавирус диагнозы 287003 кешегә ҡуйылған. Һуңғы тәүлектә – 73 кеше сирләп киткән. 127 кеше дауаханала ята, 691 кеше өйҙәрендә дауалана.

Фото: vitrosp.com

Автор:Альфия Мингалиева
Читайте нас в