Медицина хеҙмәттәре өсөн һалым ҡайтармаһын нисек алырға?

Медицина препараттары һәм дауаланыу өсөн һалым ҡайтармаһын нисек алырға икәнен аңлатабыҙ.

Һалым ҡайтармаһының иң юғары сиге – 120 мең һум.

Нимә өсөн уны ҡайтарыуҙары мөмкин? Пациентҡа күрһәтелгән медицина ярҙамы, шул иҫәптән ҡиммәтле медицина хеҙмәттәре өсөн дә, уның ҡатынына, ата-әсәһенә һәм 18 йәшкә тиклемге балаларына ҡайтарыласаҡ.

Табип тәғәйенләгән дарыуҙарҙы һатып алған өсөн (ғаиләнең бөтә ағзалары өсөн дә); ғаилә ағзаларының Ирекле медицина страховкаһы килешеүе буйынса түләгән иғәнәләре өсөн.

Ниндәй документтар кәрәк? Хеҙмәттәр күрһәтеүгә медицина ойошмаһы менән килешеү; медицина хеҙмәтенә түләүҙәр тураһында белешмә; тейешле формалағы рецептура бланкы; дарыуҙар һатып алыуға чек; килешеү йәки Ирекле медицина страховкаһы полисы; страховкалау компанияһы лицензияһының копияһы; страховка иғәнәләрен түләү чегы.

Нисек рәсмиләштерергә? Беренсе вариант: 3 НДФЛ формаһында һалым декларацияһын тултырып, документтар тупланмаһын әҙерләп, барыһын да урындағы һалым инспекцияһына тапшырырға.

Икенсе вариант: документтар тупланмаһын әҙерләгәндән һуң һалым ойошмаһына тапшырырға. 30 көн эсендә социаль һалым ҡайтармаһына хоҡуғығыҙҙы раҫлаған хәбәрҙе алғас, уны эш биреүсегә тапшырырға. Һалым ҡайтармаһы эш хаҡы менән бергә түләнәсәк.

#Аңлатабыҙ_Башҡортостан

Фото: https://vk.com/wall-210976796_564